ຂັ້ນຕອນການນຳໃຊ້ປະກັນໄພສຸຂະພາບ
ເຂົ້າໃຈວິທີການນໍາໃຊ້ປະກັນໄພສຸຂະພາບຂອງທ່ານໃນການປິ່ນປົວ, ການເຂົ້າຮັກສາໃນໂຮງຫມໍ ແລະ ເຫດສຸກເສີນ
ສິ່ງທີ່ຕ້ອງປະຕິບັດເມື່ອທ່ານຕ້ອງການໃຊ້ບໍລິການດ້ານສຸຂະພາບ
ຂັ້ນຕອນ 1: ບັດປະກັນໄພສຸຂະພາບຂອງ ເອັມເອັສໄອຈີ ໂຊກໄຊ
ເມື່ອທ່ານໄປໃຊ້ບໍລິການ ສະຖານທີ່ບໍລິການສຸຂະພາບພາຍໃນເຄືອຂ່າຍຂອງບໍລິສັດ ໃຫ້ທ່ານສະແດງບັດປະກັນໄພສຸຂະພາບ ພ້ອມບັດປະຈຳຕົວຂອງທ່ານໃຫ້ແກ່ເຈົ້າໜ້າທີ່
ຂັ້ນຕອນ 2: ກວດສອບເອກະສານຂອງທ່ານ
ກ່ອນການນຳໃຊ້ບໍລິການ, ທາງສະຖານທີ່ບໍລິການສຸຂະພາບ ຈະກວດສອບຂໍ້ມູນຂອງທ່ານ
ຂັ້ນຕອນ 3: ທຳຄວາມເຂົ້າໃຈຕໍ່ຄວາມຮັບຜິດຊອບໃນການຊຳລະເງິນຂອງທ່ານ
ທ່ານຈະໄດ້ຮັບການປິ່ນປົວພາຍໃຕ້ເງື່ອນໄຂຂອງສັນຍາທີ່ທ່ານມີ ໃນກໍລະນີຄ່າໃຊ້ຈ່າຍໃນການປິ່ນປົວເກີນວົງເງິນປະກັນໄພ ທ່ານຈະຕ້ອງຮັບຜິດຊອບໃນການໃຊ້ຈ່າຍສ່ວນເກີນ ແລະ ຄ່າສຳລັບການຊື້ອຸປະກອນຈາກພາຍນອກໃຫ້ກັບທາງສະຖານທີ່ບໍລິການສຸຂະພາບ.
ຂັ້ນຕອນ 4: ຊຳລະເງິນໂດຍກົງເຂົ້າສະຖາທີ່ບໍລິການສຸຂະພາບ
ຄ່າໃຊ້ຈ່າຍໃນການປິ່ນປົວແມ່ນທາງ ບໍລິສັດ ຈະຊຳລະໂດຍກົງກັບສະຖານທີ່ບໍລິການສຸຂະພາບ.
ຂັ້ນຕອນໃນການຮັບສິນທົດແທນຄືນ
ຂັ້ນຕອນ 1: ເລືອກສະຖານທີ່ບໍລິການສຸຂະພາບ
ທ່ານສາມາດເຂົ້າຮັບປິ່ນປົວໃນສະຖານທີ່ບໍລິການສຸຂະພາບແຫ່ງໃດກໍໄດ້ທີ່ທ່ານສະດວກ.
ຂັ້ນຕອນ 2: ເກັບຮັກສາເອກະສານຂອງທ່ານໄວ້
ຫຼັງຈາກໄດ້ຮັບການປິ່ນປົວສຳເລັດແລ້ວ ເອກະສານທີ່ທ່ານຕ້ອງໄດ້ເກັບຮັກສາມີ ໃບບິນການຊຳລະເງິນ, ໃບລາຍງານການປິ່ນປົວລະອຽດ (ບົ່ງມະຕິພະຍາດ, ວາງຢາ ແລະ ໃບສັ່ງກວດຕ່າງໆ) ແລະ ໃບອອກໂຮງໝໍ (ໃນກໍລະນີນອນໂຮງໝໍ).
ຂັ້ນຕອນ 3: ສົ່ງເອກະສານຮ້ອງຂໍສິນທົດແທນ
ຕື່ມຂໍ້ມູນໃສ່ແບບຟອມຮຽກຮ້ອງສິນທົດແທນໃຫ້ຄົບຖ້ວນ ພ້ອມເອກະສານຕິດຄັດເຫຼົ່ານີ້:
– ໃບບິນການຊຳລະເງິນ.
– ໃບລາຍງານການປິ່ນປົວລະອຽດ (ບົ່ງມະຕິພະຍາດ, ວາງຢາ ແລະ ໃບສັ່ງກວດຕ່າງໆ)
– ໃບອອກໂຮງໝໍ (ໃນກໍລະນີນອນໂຮງໝໍ).
– ສຳເນົາບັດປະກັນສຸຂະພາບ.
– ສຳເນົາໜ້າປຶ້ມເລກບັນຊີທະນາຄານ.
– ສຳເນົາບັດປະຈຳຕົວ, ປຶ້ມສຳມະໂນຄົວ ຫຼື ໜັງສືເດີນທາງ (ພາສປອດ).
ຂັ້ນຕອນ 4: ຮັບສິນທົດແທນຂອງທ່ານ
ຖ້າຫາກເອກະສານທີ່ທ່ານປະກອບຄົບຖ້ວນແລ້ວ ທ່ານຈະໄດ້ຮັບສິນທົດແທນຄືນພາຍໃນ 14 ວັນຂອງມື້ລັດຖະການ
ຂໍ້ມູນເພີ່ມເຕີມກ່ຽວກັບ ບໍລິການສິນທົດແທນປະກັນໄພສຸຂະພາບ
ກະລຸນາຕິດຕໍ່ສອບຖາມໄດ້ທີ່
ສາຍດ່ວນປະກັນໄພສຸຂະພາບ
