ຂັ້ນຕອນການນຳໃຊ້ປະກັນໄພລົດ
ຄໍາແນະນໍາແຕ່ລະຂັ້ນຕອນໃນການນຳໃຊ້ປະກັນໄພລົດ, ນັບຕັ້ງແຕ່ການແຈ້ງອຸປະຕິເຫດຈົນເຖິງການເອົາລົດເຂົ້າສ້ອມແປງ
ສິ່ງທີ່ຄວນເຮັດເວລາລົດເກີດອຸປະຕິເຫດ
ຂັ້ນຕອນ 1: ຢຸດ ແລະ ຮັກສາຄວາມປອດໄພຂອງບ່ອນເກີດເຫດ
ຢຸດລົດທັນທີ, ເປີດໄຟສັນຍານສຸກເສີນ ແລະ ວາງ ຫຼື ຕັ້ງເຄື່ອງໝາຍເຕືອນອັນຕະລາຍ, ບໍ່ໃຫ້ເຄື່ອນຍ້າຍຍານພາຫະນະ, ວັດຖຸ ຫຼື ຊິ້ນສ່ວນຕ່າງໆທີ່ກ່ຽວຂ້ອງກັບອຸປະຕິເຫດນັ້ນ
ຂັ້ນຕອນ 2: ລະບາຍການສັນຈອນໃຫ້ເປັນປົກກະຕິ ຖ້າຈຳເປັນ
ໃນກໍລະນີທີ່ອຸປະຕິເຫດກີດຂວາງການສັນຈອນ ໃຫ້ຂີດໝາຍຕຳແໜ່ງ ຂອງຍານພາຫະນະ, ວັດຖຸ ຫຼື ຊິ້ນສ່ວນ ບົນພື້ນຖານການຕົກລົງກັນຂອງຄູ່ກໍລະນີ ແລະ ທ່ານສາມາດຍ້າຍລົດຂອງທ່ານໄປຂ້າງທາງໄດ້.
ຂັ້ນຕອນ 3: ຕິດຕໍ່ຫາສາຍດ່ວນ ເອັມເອັສໄອຈີ ໂຊກໄຊ ສຳລັບການຊ່ວຍເຫຼືອແບບທັນທີ
ໂທຫາສາຍດ່ວນປະກັນໄພອຸປະຕິເຫດ ເອັມເອັສໄອຈີ ໂຊກໄຊ ທີ່ເບີ 020 5844 4044 ຫຼື 020 5944 4044 ທັນທີສຳລັບຄຳແນະນຳ ແລະ ການຊ່ວຍເຫຼືອລະຫວ່າງເກີດອຸປະຕິເຫດ
ຂັ້ນຕອນ 4: ລໍຖ້າການຊ່ວຍເຫຼືອຈາກພະນັກງານແກ້ໄຂອຸປະຕິເຫດຂອງພວກເຮົາ
ພະນັກງານຮັບແຈ້ງອຸປະຕິເຫດຂອງພວກເຮົາຈະປະສານຫາພະນັກງານແກ້ໄຂອຸປະຕິເຫດທີ່ໃກ້ທ່ານທີ່ສຸດ ເພື່ອໃຫ້ພວກເຂົາໄປຫາທ່ານທີ່ສະຖານທີ່ເກີດອຸປະຕິເຫດ ແລະ ໃຫ້ການຊ່ວຍເຫຼືອ.
ຂັ້ນຕອນ 5: ໃຫ້ຄວາມສຳຄັນໃນການຊ່ວຍເຫຼືອຜູ້ໄດ້ຮັບບາດເຈັບກ່ອນ
ໃນກໍລະນີມີຜູ້ໄດ້ຮັບບາດເຈັບ ຈົ່ງຢ່າລັ່ງເລນຳສົ່ງຜູ້ບາດເຈັບໄປໂຮງໝໍທີ່ໃກ້ທີສຸດໂດຍດ່ວນເພື່ອຮັບປະກັນຄວາມປອດໄພຂອງພວກເຂົາ.
ຂັ້ນຕອນ 6: ຮວບຮວມເອກະສານທີ່ຈຳເປັນ
ຕ້ອງກະກຽມເອກະສານທີ່ຈຳເປັນ ເຊັ່ນ ໃບຂັບຂີ່, ໃບທະບຽນລົດ ແລະ ໃບສັນຍາປະກັນໄພລົດຂອງທ່ານ
ຂັ້ນຕອນ 7: ພະນັກງານແກ້ໄຂອຸປະຕິເຫດເກັບກຳຂໍ້ມູນ ແລະ ເຈລະຈາ
ພະນັກງານແກ້ໄຂອຸປະຕິເຫດ ຈະໄປທີ່ຈຸດເກີດເຫດເພື່ອເກັບກຳຂໍ້ມູນທີ່ຈຳເປັນ ແລະ ຊ່ວຍເຈລະຈາກັບຄູ່ກໍລະນີ
ຂັ້ນຕອນ 8: ຂໍ້ຕົກລົງຮ່ວມກັນສຳລັບການສ້ອມແປງລົດ
ທັງສອງຝ່າຍຕົກລົງເຮັດບົດບັນທຶກທົດແທນຄວາມເສຍຫາຍການສ້ອມແປງຍານພາຫະນະ
ຂັ້ນຕອນ 9: ນຳລົດຂອງທ່ານເຂົ້າສ້ອມແປງຕາມທີ່ຕົກລົງໄວ້
ຫຼັງຈາກຕົກລົງກັນແລ້ວ, ນຳລົດຂອງທ່ານເຂົ້າອູ່ສ້ອມແປງຕາມບົດບັນທຶກທີ່ຕົກລົງ ແລະ ເຫັນດີເປັນເອກະພາບກັນ
ຂໍ້ມູນເພີ່ມເຕີມກ່ຽວກັບ ບໍລິການສິນທົດແທນປະກັນໄພລົດ
ກະລຸນາຕິດຕໍ່ສອບຖາມໄດ້ທີ່
ສາຍດ່ວນປະກັນໄພລົດ
ຕິດຕໍ່ສຳລັບລົດເຂົ້າສ້ອມແປງ
